Աշխատանքային առաջին օրն այն օրն է, երբ նոր թիմակիցը կա՛մ հավանում է իր նոր միջավայրը, կա՛մ սկսում է մտածել՝ մնա՞լ, թե՞ հեռանալ և այլևս չվերադառնալ։

Եկեք տեսնենք, թե ինչ է պետք անել, որպեսզի առաջին աշխատանքային օրը լինի հետաքրքիր, հիշվող և հարմարավետ, որպեսզի նոր թիմակիցը ցանկանա շարունակել իր ճանապարհը ձեր թիմում։

1. Առաջին օրը պետք է լինի հարմարավետ, հիշվող և հնարավորինս ոչ սթրեսային

• Ունենալ հստակ առաջին օրվա ծրագիր:
• Ստեղծել ջերմ մթնոլորտ, որտեղ նոր թիմակիցը իրեն ընդունված կզգա:
• Զգուշացնել բոլորին, որ նոր թիմակից է գալու:
• Office Tour անցկացնել՝ ցույց տալով աշխատանքային տարածքները` հանդիպումների սենյակները, խոհանոցը, հանգստի գոտին և այլ կարևոր վայրեր:
• Coffee break կազմակերպել, երբ բոլորը ներկայանում են, պատմում եմ ընկերության մասին և հանձնել կորպորատիվ սիմվոլիկ նվերը (եթե նախատեսված է):
• Առաջին իսկ օրը ապահովել անհրաժեշտ գործիքներով` բոլոր համակարգերի, ծրագրերի հասանելիությամբ:

2. Ունենալ հստակ ադապտացման (onboarding) ծրագիր

• Պատրաստել չեք֊լիստ, որտեղ նշված կլինի` ինչ պետք է իմանա թիմակիցը մեկ շաբաթում և ամսում:
• Նշանակել մենթոր կամ buddy, ով կօգնի նոր թիմակցին արագ ինտեգրվել:
• Առաջին շաբաթվա ընթացքում կազմակերպել հանդիպումներ, որպեսզի թիմակիցը ծանոթանա ընկերության բաժինների և գործընթացների հետ:

3. Նոր թիմակցին ներգրավել իրական աշխատանքների մեջ

• Առաջին օրերից տալ փոքր, բայց կոնկրետ առաջադրանքներ, որոնք կօգնեն հասկանալ իր գործառույթները և աշխատանքի սկզբունքները:
• Չծանրաբեռնել միանգամից: Ինֆորմացիայի հոսքը բաշխել այնպես, որ թիմակիցը հասցնի յուրացնել այն:
• Տրամադրել շարունակական հետադարձ կապ հասկանալու թե ինչպես է անցնում ինտեգրման փուլը:

4. Հետադարձ կապի տրամադրում և ստացում

• Օրվա վերջում հանդիպել նոր թիմակցին և զրուցել անցած օրվա մասին:
• Թիմակցին ներկայացնել կատարված աշխատանքը` դրա թույլ և ուժեղ կողմերը և հետագա անելիքները:
• Կարևոր է լսել նաև իրեն, թե ինչպես է անցնում onboarding-ը, ինչ դժվարություններ կան և պատասխանել բոլոր հարցերին:

Ի՞նչ է ստանում ընկերությունը գրագետ կազմակերպված onboarding-ից

• Թիմակցի արագ ինտեգրում թիմում:
• Արդյունավետությունն ու մոտիվացիայի բարձրացում առաջին իսկ ամսվանից:
• Թիմակիցների հեռանալու հավանականության նվազում:
• Ներգրավված, հավատարիմ և արդյունավետ թիմ:

Եզրակացություն

Եթե ընկերությունն ունի հստակ onboarding, նոր մարդիկ ավելի արագ են ինտեգրվում թիմում, ադապտացիան անցնում է առանց սթրեսի, իսկ աշխատանքը դառնում է ավելի արդյունավետ։ Իսկ կայուն թիմը սարեր կարող է շուռ տալ։