Փափուկ հմտություններ

Փափուկ հմտությունները կարելի է համարել պրոֆեսիոնալ հաջողության անհայտ հերոսներ: Միշտ կարևորվում է մասնագիտական որակավորումն ու գիտելիքները, սակայն չպետք է մոռանալ փափուկ հմտություների «կոշտ» ուժի մասին: Ինչպես մասնագիտական գիտելիքները, այնպես էլ փափուկ հմտությունները կարելի է զարգացնել և հմտացնել: Բազմաթիվ հմտություններ կարելի է ներառել փափուկ հմտությունների ցուցակում, օրինակ՝

Որո՞նք են փափուկ հմտությունները

• ժամանակի կառավարում,
• կենտրոնացում,
• սթրեսակայունություն,
• թիմային աշխատանք,
• քննադատական մտածողություն,
• որոշումներ կայացնելու ունակություն,
• էմոցիոնալ ինտելեկտ:

Հենց վերջին հմտության վրա էլ ուզում եմ հրավիրել Ձեր ուշադրությունը, քանի որ կարծում եմ, որ այս հմտությունը 21-րդ դարում ունի առաջնային նշանակություն, ուստի և կարևոր են այն զարգացնելուն ուղղված ջանքերը. առողջ ու կառուցողական մթնոլորտն օգնում է գրանցել առաջընթաց և նոր ձեռքբերումներ:

Ի՞նչ է էմոցիոնալ ինտելեկտը

Էմոցիոնալ ինտելեկտ - սեփական և շրջապատող մարդկանց էմոցիաները տարբերակելու և կառավարելու կարողություն:

Ի՞նչ կտա մեզ էմոցիոնալ ինտելեկտի զարգացումն ու կիրառումը`

• ճնշվածության ու սթրեսի հաղթահարում:
• բանակցությունների ընթացքում արդյունավետ կառավարում ինքներս մեզ և ուրիշներին:
• հարաբերություններում շահեկան, նպաստավոր դիրքում գտնվելու հնարավորություն:
• փոխադարձ հարգանք:
• հակամարտությունների սահուն հարթում:

Էմոցիոնալ ինտելեկտը հատկապես կարևոր է աշխատանքի մեջ, քանի որ աշխատանքային միջավայրում խնդիրներ հաճախ են առաջանում, իսկ դրանք պետք է կարողանալ հաղթահարել սթափ՝ չվերածելով պրոֆեսիոնալ առողջ բանավեճը կռվի կամ անձնական թշնամանքի: Էմոցիոնալ ինտելեկտը մեծապես օգնում է գործնական ճիշտ հարաբերությունների ձևավորմանը և կարիերայի աճին:

Փափուկ հմտությունները ձևավորում են աշխատակցի հաղորդակցական և հուզական ինտելեկտը, որը որոշիչ է մասնագիտական հաջողության համար։

Կարդացեք նաև՝ ինչպես կատարողից վերածվել արժեքաստեղծ աշխատակցի։ Իսկ ձեռք բերած հմտությունները ներկայացրեք ռեզյումեում՝ ստեղծելով այն CV գեներատորով։

Հոդվածը հրապարակվել է HR Drone հարթակի կողմից՝ նպաստելու Soft Skills-ի զարգացմանը, աշխատակիցների անձնական աճին և կազմակերպական արդյունավետության բարձրացմանը։