The Internet Governance Council of the Republic of Armenia (IGC) միջոցառումներ

Ինտերնետի զարգացման արդյունքում առաջացող մարտահրավերները պահանջում են հանրության կողմից համարժեք արձագանքներ: Ստեղծված «ՀՀ Ինտերնետ կառավարման համաժողով» (ՀՀ ԻԿՀ) միջգերատեսչական խումբը ներառում է իր կազմում պետական, հասարակական, մասնավոր հատվածի մասնակիցներին, լրատվամիջոցների ներկայացուցիչներին, գիտությունների ակադեմիան\` ապահովելով Ինտերնետ կառավարման բազմաշահառու մոտեցումը, ինչը հնարավորություն է ստեղծում արձագանքել մարտահրավերներին: Խումբը ղեկավարվում է թափանցիկության սկզբունքով\` ապահովելով հանրության իրազեկումը իր աշխատանքների մասին [**igc.am**](http://igc.am/) կայքի միջոցով: Ինտերնետի կառավարումը պահանջում է աշխատանքի նոր եղանակներ, որոնք համարժեք կլինեն տեղեկատվական հասարակության աննախադեպ արագ զարգացումներին: Հանրության մասնակցությունն այստեղ հաջող զարգացման ամենակարևոր երաշխիքն է: Խմբի աշխատակարգը բացառիկ հնարավորություն է տալիս հաշվի առնել բոլորիս կարծիքները որոշումներ կայացնելիս: