Open Data Armenia միջոցառումներ

**Նախագծի առաքելությունը ** ձևավորել ու զարգացնել բաց տվյալների արժեքի ընկալումը Հայաստանի, հայոց լեզվի և հայկական մշակույթի հետ կապված տվյալները հրապարակողների և օգտատերերի համայնքի շրջանում: **Նախագծի նպատակը ** Հայաստանի Հանրապետությունում պետական մարմինների, գիտական և կրթական հաստատությունների, ոչ առևտրային կազմակերպությունների, մշակութային հաստատությունների և բոլոր շահագրգռված կողմերի հետ մեկտեղ ստեղծել բաց տվյալների հրապարակման և օգտագործման կայուն էկոհամակարգ։ **Ինչ ենք մենք անում ** Ուսումնասիրում ենք, համակարգում ենք ու վարում ենք Հայաստանի, հայոց լեզվի և հայկական մշակույթի հետ կապված հանրամատչելի տվյալների գրացուցակները։ Նախագծեր ենք ստեղծում՝ Հայաստանի, հայոց լեզվի և հայկական մշակույթի հետ կապված բաց տվյալների հիման վրա: Աջակցում ենք Հայաստանի, հայոց լեզվի և հայկական մշակույթի հետ կապված տարբեր պրոֆիլների մասնագիտներին տվյալների հետ աշխատելու նոր հմտություններ յուրացնելու գործում։ **Ինչի համար ենք մենք դա անում ** Հայաստանում և Հայաստանի մասին օգտատերերի համար հանրամատչելի տվյալների բազաների մեծ քանակություն կա, սակայն միշտ չէ, որ դրանք ամբողջական ու բաց են։ Հայաստանյան օգտատերերի և աշխարհասփյուռ հայրենակիցների համար բաց տվյալների զարգացման մարտահրավերներից է միջիցների և բաց տվյալների հավաքագրման ու տարածման համար անհրաժեշտ տեխնիկական հմտությունների տիրապետող մասնագետների պակասը։ **Բաց տվյալների տարածման հիմնական խոչընդոտներն են. ** բաց տվյալների հրապարակումն և հասանելիությունը ապահովող միասնական հարթակի բացակայությունը; քաղաքացիական հասարակության անբավարար ներգրավումը; իրազեկության և տվյալների պահանջարկի ցածր մակարդակը; տվյալների հետ աշխատանքի համար կադրերի և տեխնիկական հմտությունների պակասը։ Այդ մարտահրավերները հաղթահարելու համար անհրաժեշտ է սեփական ռեսուրսների զարգացումն ու բաց տվյալների հետ աշխատանքի մասնագետների հայտնվելը։ **Մենք օգնում ենք ** Սովորեցնել տվյալների հետ աշխատել, օրինակ, պետական ծառայողներին, հետազոտողներին, մեդիայի և լրագրության ֆակուլտետների դասախոսներին Զարգացնել Հայաստանի և Սփյուռքի բաց տվյալների համայնքը Կազմակերպել բաց տվյալների հետ կապված աշխատանքին նվիրված հաքաթոններ, համաժողովներ ու վարպետաց դասեր Մատուցել data-գործիքների մշակման, ինչպես նաև տվյալների հավաքման, վերլուծության ու վիզուալիզացիայի հետ կապված ծառայություններ