ISOC.AM միջոցառումներ

«Ինտերնետ Հանրություն» ՀԿ-ն «.հայ» և «.am» բարձր մակարդակի դոմեյնների (ccTLD) գրանցամատյանն է, որը գործում է «Հասարակական կազմակերպությունների մասին» ՀՀ օրենքի և կազմակերպության կանոնադրության հիման վրա: «Ինտերնետ Հանրություն» ՀԿ-ն կառավարում է «.հայ» և «.am» բարձր մակարդակի դոմեյնների տվյալների բազան՝ ICANN-ի հետ կնքված պայմանագրի հիման վրա: Դոմեյնային անունների գրանցումը այս գոտիներում իրականացվում է հավատարմագրված գրանցողների միջոցով: «Ինտերնետ Հանրություն» ՀԿ-ն Ինտերնետ Կառավարման Խորհրդի (IGC) քարտուղարությունն է, որը կազմակերպում է ամենամյա Հայկական Ինտերնետ Կառավարման Ֆորումները և Ինտերնետ Կառավարման Հայկական Դպրոցը: «Ինտերնետ Հանրություն» ՀԿ-ն համագործակցում է ՀՀ Տրանսպորտի, Կապի և Տեղեկատվական Տեխնոլոգիաների նախարարության հետ՝ ստորագրված Փոխըմբռնման Հուշագրի շրջանակներում: ՄԵՐ ԱՌԱՔԵԼՈՒԹՅՈՒՆԸ Ինտերնետ Հանրության առաքելությունն է խթանել ինտերնետի զարգացումը ՀՀ-ում և աջակցել գլոբալ հեռահաղորդակցության օգտատերերի գործունեությանը: