HR Drone
Content Manager, HR Drone
Երբ խոսքը գնում է կայունության, պատասխանատվության և զարգացող մտածողության մասին, իրական օրինակները միշտ խոսում են բարձրաձայն։
Այս տարի HR Drone-ի գործընկեր Ֆլեշ ընկերությունը նշում է իր 30-ամյակը՝ երեք տասնամյակ շարունակ պահպանելով նույն էներգիան, շարժումը և մարդկանց նկատմամբ հարգանքը։
Մարդիկ՝ յուրաքանչյուր առաջընթացի շարժիչ ուժը
Յուրաքանչյուր երկարատև հաջողության հիմքում կանգնած են մարդիկ։
Ընկերության պատմությունը հենց դրա մասին է՝ թիմերի, որոնք ստեղծում են ոչ միայն որակյալ ծառայություն, այլև ամուր մշակույթ։
Տարիների ընթացքում ընկերությունը ձևավորել է միջավայր, որտեղ արժևորվում են ողջամտությունը, հավատարմությունը, եռանդը և սրտացավությունը։
Այսօր այն միավորում է հարյուրավոր մասնագետների ամբողջ Հայաստանի տարածքում մի նպատակի շուրջ՝ ձևավորել էներգիայով լի ապագա։
Ընկերության 30 տարիները խորհրդանշում են զարգացման հետևյալ երեք փուլերը։
1.0 Ընկերության հիմնադրման և ձևավորման փուլ
«Ֆլեշ» ընկերությունը ձևավորվել է երկրի անկախացման բարդ տարիներին, երբ շուկան կանգնած էր վառելիքի՝ որպես կենսական ռեսուրսի պակասի առաջ։ Գործունեությունը սկսվել է մի քանի աշխատակցով՝ վառելիքի վաճառքը կազմակերպելով վագոններից, որով էլ դրվեց ընկերության հետագա զարգացման հիմքը։
2.0 Կայացման և զարգացման փուլ
Ձևավորվեցին ընկերության հիմնական կառույցները, կառուցվեցին առաջին լցակայանները, ստեղծվեց սպասարկման համակարգ և ձևավորվեց կայուն աշխատանքային թիմ՝ հիմք դնելով «Ֆլեշի» շարունակական զարգացմանը։
3.0 Վերաիմաստավորման և նոր զարգացման փուլ
Ընկերությունն անցնում է տեխնոլոգիական արդիականացման՝ շուկայի փոփոխություններին համապատասխանելով նոր ձևաչափով, էներգիայով և հնարավորություններով։
Դեպի ապագա՝ վստահ քայլերով
Երեք տասնամյակ շարունակ ընկերությունը կառուցել է վստահություն, որն այսօր դառնում է շարժման էներգիա։
Այս պատմությունը ոչ միայն անցյալի հաջողությունների ամփոփումն է, այլ նաև ապագայի հստակ տեսլական՝ նորարարության, պատասխանատվության և թիմային ոգու շուրջ։
Share this article on your social media platform!