Միկրոէլեկտրոնիկայի միջազգային ֆորում

ԱՌԱՋԻՆ անգամ Հայաստանում ՏՀՏ գործատուների միությունը կազմակերպում է Միկրոէլեկտրոնիկայի միջազգային ֆորում, որն անցկացվում է Միկրոէլեկտրոնիկայի օլիմպիադայի շրջանակներում:

Նոյեմբերի 14-ին, նեղ մասնագիտական ֆորումը կհյուրընկալի միկրոէլեկտրոնիկայի ընկերությունների բարձրակարգ մասնագետներին և ղեկավարներին, ովքեր կխոսեն միկրոէլեկտրոնիկայի այնպիսի ուղղությունների և զարգացման միտումների մասին, ինչպիսիք են՝

• Թվային միկրոսխեմաների նախագծում և փորձարկում
• Անալոգային և խառը ազդանշանային միկրոսխեմաների նախագծում և փորձարկում
• Կիսահաղորդչային սարքեր և տեխնոլոգիաներ
• Միկրոսխեմաների Էլեկտրոնային նախագծման մաթեմատիկան և ալգորիթմները։

Ֆորումի շրջակներում կազմակերպվելու են նաև B2B հանդիպումներ։

Միկրոէլեկտրոնիկայի միջազգային ֆորումը կազմակերպվում է IEEE-ի Փորձարկման տեխնոլոգիաների տեխնիկական խորհրդի (TTTC) հետ համագործակցությամբ:

Մասնկացությունն ԱՆՎՃԱՐ է, բայց ՀԱՍՏԱՏՎԱԾ տոմսերով։