Երբ բոլորը խոսում են այն մասին, թե ինչպես ստանալ ցանկալի աշխատանքի առաջարկ կամ կազմել CV, HR Drone-ը, որպես գլոբալ աշխատանքային հարթակ բարձրացնում է այն թեմաները, որոնք սովորաբար շրջանցվում են:
The Art of Letting Go միջոցառումը բարձրացրեց HR ոլորտում կարևոր և բարդ թեման՝ փոփոխությունները ընդունելու և ճիշտ ժամանակին թողնելու կարողությունը: Այն նախատեսված էր նրանց համար, ովքեր ղեկավարում են թիմեր և հաճախ կայացնում բարդ որոշումներ:
Մասնակիցները քննարկեցին, ինչ է նշանակում «թողնել» և ինչպես ընդունել փոփոխությունները առանց վախի կամ դիմադրության:
Միջոցառման խոսնակները՝ Լիլիթ Պապիկյանը Կորպորատիվ հոգեբան և HR գործընկեր՝ DataARt-ում և Գևորգ Պողոսյանը TCF-ի համահիմնադիր և reArmenia ընկերության CEO, անդրադարձ կատարեցին ժամանակակից մարտահրավերներին, ներառյալ հոգեբանական կողմին և AI-ի ազդեցությանը HR գործընթացների վրա, ինչպես նաև այն, թե ինչպես տեխնոլոգիաները կարող են օգուտ բերել մարդկանց, ոչ թե փոխարինել նրանց:
Միջոցառման հատուկ հյուրն էր HR փորձագետ Ave Arumäe Էսթոնիայից, ով ներկայացրեց միջազգային փորձը և բացեց նոր տեսանկյուններ մասնակիցների համար:
Միջոցառումը օգնեց մասնակիցներին նոր կերպ նայել առաջնորդությանը, թիմերի աշխատանքին և կազմակերպությունների զարգացմանը: Այն ընդգծեց, որ առաջ շարժվելու համար կարևոր է ոչ միայն ստեղծել նորը, այլ նաև ճիշտ կերպով և ժամանակին թողնել հինը՝ ձևավորելով ավելի առողջ և արդյունավետ համակարգեր և թիմեր:
**Միջոցառման հովանավորներ՝ **Holani Wines - Manukyan Brandy Factory, Hayart, Art Factory
