Ունե՞ք սոցիալական ազդեցությամբ տեխնոլոգիական ստարտափ կամ մտածում եք սկսել այն: Միացե՛ք մեր տեղեկատվական հանդիպում-workshop-ին, տվեք Ձեզ հետաքրքրող հարցերը, ինչպես նաև բացահայտե՛ք սոցիալական ազդեցության կարևորությունը: Տեղեկատվական հանդիպման ընթացքում կիմանաք ծրագրի մանրամասները և մասնակցության փուլերը, $30,000–$100,000 ներդրումային հնարավորությունները, մենթորության ու միջազգային ցանցերին հասանելիության հնարավորությունները, ինչպես նաև, թե ինչպես զարգացնել ձեր ստարտափը և պատրաստվել ներդրումների: Ծրագիրը նախատեսված է վաղ փուլի տեխնոլոգիական ստարտափների, սոցիալական կամ բնապահպանական խնդիրներ լուծող թիմերի և Հայաստանում գործող կամ գրանցվող ընկերությունների համար: Ծրագիրը կարևորում է ներառական մասնակցությունը և խրախուսում հատկապես կանանց կողմից ղեկավարվող բիզնեսների, երիտասարդ ձեռներեցների և ոչ բավարար ներգրավված խմբերը ներկայացնող թիմերի ներգրավումը: Հայտերը կգնահատվեն՝ ըստ սոցիալական ազդեցության, նորարարական ներուժի, տեխնիկական իրագործելիության և ազդեցության մոդելի հստակության:
