Մայիսի 16-ին՝ ժամը 12։00-ին, կմեկնարկի «ԲանՈՒԳործ․ ԵՊՀ էքսպո-2024»-ը՝ նվիրված ԵՊՀ հիմնադրման 105-ամյակին։ Էքսպոն կանցկացվի ԵՊՀ ամբողջ տարածքում․ համալսարանի ֆակուլտետներն ու ինստիտուտները կներկայացնեն կրթական ծրագրերը, իսկ գործընկերները՝ աշխատանքի առաջարկներ, ինչպես նաև կընդունեն մասնակիցների ինքնակենսագրականները։ Միջոցառման շրջանակում տեղի կունենան նաև՝ ԵՊՀ գերազանցության մրցանակաբաշխություն, տարատեսակ աշխատարաններ և խաղեր, կոնֆերանս, տոնական համերգ։