Ամենամյա տարածաշրջանային համաժողովն արդեն 12 տարի շարունակ ներկայացնում է առաջնորդության և մարդկային կառավարման ոլորտում ամենաքննարկվող և արդիական թեմաները: Համաժողովը գրավել է առաջնորդների սրտերն իր բացառիկ ձևաչափով, հետաքրքիր թեմաներով, նոր կապեր ստեղծելու հնարավորությամբ և հարուստ բովանդակությամբ:
Ուրախ ենք հայտարարել առաջնորդության զարգացման շարքի ևս մեկ փուլ և հանդես գալ այս տարվա թեմայով՝ «Առաջնորդության գիտությունը»:
Եկեք միասին մտորենք և քննարկենք, թե ինչպիսին պետք է լինի առաջնորդությունը մարդկային ուղեղի և արհեստական բանականության զարգացման խաչմերուկում: Գործնական սեսսիաները, քննարկումները, նեթվորքինգը և հետաքրքիր հիմնական խոսնակների ելույթները կօգնեն բոլորին հասկանալ, թե ինչպես է աշխատում մեր ուղեղը և ինչպես է փոխվում առաջնորդության մտածելակերպը ժամանակակից աշխարհում:
Մենք կկենտրոնանանք այն մարտահրավերների վրա, որոնց բախվում ենք մեր փոփոխվող աշխարհում, որտեղ մարդկային ուղեղը պետք է օգտագործի արհեստական բանականությունն ավելի արդյունավետ առաջնորդելու համար:
Այսպիսով, նշեք ձեր օրացույցում հոկտեմբերի 4-ը:
