Ֆրիլանսինգը վերջին տարիներին դարձել է աշխատանքային շուկայի ամենաարագ զարգացող ոլորտներից՝ հնարավորություն տալով մասնագետներին աշխատել միջազգային պատվիրատուների հետ, կառուցել ճկուն աշխատանքային գրաֆիկ և ստեղծել կայուն կամ լրացուցիչ եկամտի աղբյուր։ Upwork-ի, LinkedIn-ի և այլ հարթակների շնորհիվ այսօր հնարավոր է սկսել ֆրիլանս գործունեություն գրեթե ցանկացած ոլորտում, սակայն սկսնակների համար գործընթացը հաճախ ուղեկցվում է անորոշությամբ, մրցակցությամբ և ռիսկերով։ Արդի ակադեմիայի Public Talks-ի շրջանակում իրականացվող այս միջոցառման նպատակն է տալ հստակ պատկերացում ֆրիլանս աշխատանքի էկոհամակարգի մասին, ներկայացնել Upwork-ի և LinkedIn-ի հնարավորությունները, ինչպես նաև օգնել հասկանալ՝ ինչպես ճիշտ սկսել, ինչպես գտնել առաջին պատվերը, ինչպես անվտանգ ստանալ վաստակած գումարը և ինչպես խուսափել ֆրիլանս ոլորտում տարածված խաբեություններից։ Սեմինարը կրում է գործնական և տեղեկատվական բնույթ՝ հիմնված իրական փորձի, օրինակների և կիրառելի խորհուրդների վրա։ Ում համար է՝
- Սկսնակ ֆրիլանսերներ
- Ուսանողներ և երիտասարդ մասնագետներ
- Մարդիկ, ովքեր ցանկանում են աշխատել հեռավար
- Մարքեթինգի, դիզայնի, ՏՏ և այլ թվային ոլորտներով հետաքրքրված անձինք
- Բոլոր նրանք, ովքեր ցանկանում են սկսել ֆրիլանս աշխատանք միջազգային շուկայում
