Մերօրյա աշխարհում ընկերությունները մշտապես ենթարկվում են մրցունակ լինելու ճնշմանը: Ընկերությունների մի մասը փորձում է վարձել տաղանդներ` հանդես գալով գայթակղիչ առաջարկներով կամ բացը լրացնելու համար ԱԲ գործիքներ օգտագործելով, իսկ մյուս մասը փորձում է կատարող աշխատակցին դարձնել արժեքաստեղծ:

Իսկ ինչ, եթե ասեմ, որ իրականում կհաղթեն այն ընկերությունները, որոնք առանց աշխատակցին կորցնելու վախի, իրենց իսկ ունեցած տաղանդների ներուժը բացահատելով և սովորեցնելով կունենան արժեքաստեղծ աշխատակից. կատարողից արժեքաստեղծի անցումը պարզապես մասնագիտական աճ չէ, այլ նաև աշխատակից-կազմակերպություն հարաբերության հիմքային վերաիմաստավորումն է:

Երկարաժամկետ հաջողության հասնելու համար կայուն մոտեցում է համարվում աշխատակիցներին բարձրարժեք ներդրողներ դարձնելը:

Արժեք է ոչ միայն հմտությունն ու արդյունավետությունը, այլ նաև պատկանելիության խորը ընկալումը, ուժեղ մշակույթը, խնդիրների լուծման մեջ ներգրավվածությունը և հաջողության նկատմամբ իրական նվիրվածության համակցությունը:

Իմ աշխատանքում այս խնդիրը լուծելու համար ես ուսումնասիրեցի ոչ միայն բիզնեսի ռազմավարությունը և նպատակները, այլ նաև փոփոխությունների կառավարման հոգեբանությունը. կատարողի մտածելակերպի համաձայն առաջադրանքների կատարումն ավելի կարևոր է, քան արժեքների ստեղծումը:

Ներկայացնեմ կիրառած քայլերից երկուսը՝

• Համագործակցություն հոգեբանների հետ, վարքային այնպիսի ռեսուրսների տրամադրման համար, ինչպիսիք են՝ հետաքրքրասիրության ակտիվացում, նախաձեռնողականության քաջալերելում, սթրեսին սեփական արձագանքի ու գործընկերների արձագանքի ընկալում:
• Կարիերայի պարզ և գրագետ կազմված քարտեզ, որը կհանդիսանա ճանապարհային ուղենիշ` օգնելով թափանցիկ կերպով հասկանալ թե՛’ ուղղահայաց, և թե՛ հորիզոնական աճն ընկերությունում։

Կարիերայի քարտեզը պետք է համապատասխանի և՛ բիզնեսի նպատակներին և՛ անձնական ձգտումներին: Աշխատակիցները, կայացնելով որոշումներ, ոչ միայն լինելու են ներգրավված` ունենալով սեփականության զգացում, այլև նվազելու է դիմադրությունը և բարձրանալու է ոգեշնչվածությունը:

Բայց ինչպե՞ս այն ներդնել

1. Ներուժի բացահայտում

• Պարբերական զրույցներ աշխատակիցների հետ
• Անհատական զարգացման պլանների կազմում
• Հմտությունների քարտեզագրում
• Ուժեղ կողմերի վերհանում

2. Ուսուցում և զարգացում

• Մենթորության ծրագրերի ներդրում
• Դասընթացների հասանելիություն
• Պրակտիկ նախագծերում ներգրավում

3. Ուսումնատենչ մշակույթի ստեղծում

• Փորձի փոխանակում
• Նորարարական գաղափարների խրախուսում
• Սխալներից սովորելու մշակույթի ձևավորում
• Թիմային ուսումնական միջավայրի ապահովում

4. Ճանաչում և պարգևատրումներ

• Նախաձեռնությունների գնահատում
• Հաջողությունների տոնում

Կատարելով նմանատիպ ներդրում` կազմակերպությունները ոչ միայն բարելավում են իրենց եկամուտը, այլ նաև ստեղծում են առավել գոհացուցիչ աշխատանքային փորձ, ապահովում են թիմի անդամների ու ընկերության նախագծերի աճը՝ խթանելով բարդացող բիզնես աշխարհում կայուն մրցակցությանը: Հիշե՛ք, ցանկացած արժեքաստեղծ աշխատակից սկսել է որպես կատարող աշխատակցից:

Այստեղ հարցն այն չէ, թե ձեր աշխատակիցները բացառիկ արժեքներ ստեղծելու ներուժ ունեն, թե՞ ոչ, այլ այն, թե որքանով է ձեր կազմակերպությունն օգնում վերջիններիս բացահայտել այդ ներուժը: Պատրա՞ստ եք բացահայտել ձեր թիմի ներուժը: